| Profil de fifiLittle 小肥PhotosBlogListes |  Outils  Aide |
|
29/09/2007 我近日的嗜好是聽審早前因為要考一份工，我去咗一些裁判法院觀察審訊的過程，自此，這變成我的嗜好。昨日是我悠長假期的最後一天，我一早起來，乘車到了東區裁判法院，約十時門口有好多記者，心想一定有大單嘢，我唔理有無明星看，快速乘lift上六樓的一號法庭，一出lift，嘩! 嘩! 好多人呀，法庭今天好生意。正想找一個好位聽古仔的時侯，眼前有一個美女拿著記者咪，她正是我的同班同學神神呀，閒聊咗幾句之後，我同佢講要入場看好戲再聯絡嗱，佢同我講「噤都得! 放假的首項節目原來去聽審。」進了去，發現今日真係好多人wor，坐下來不久，一位阿婆走入法庭還坐在我身旁，她不断擦藥油、又找藥油的蓋、又想同我搭訕，我唔睬佢只有靜靜地幫佢找個蓋，因為法庭要保持肅靜，我重未聽到今日要甚麼好戲，我唔想噤快被庭警趕走。最後庭警叫佢出去等，到佢上庭才叫佢入來，我舒服曬。
昨日的審訊比較悶，多數是A君偷竊了超市的一盒雪條、B君超速駕駛、C君用了他人身份證、D君藏有危險性藥物。整個個程我最喜歡係傳繹員講背景果part，佢以超音速講述案情，然後問個defendant 「你認唔認罪?」，佢真的講得好快我想可以幫她申請講廣東話最快記錄，早上十一時左右，終於等到阿婆出場，原來告佢偷竊了一盒滅蚤劑，佢以前都有三次同類犯案記錄，包括偷殺蟲劑，其實見到佢都有些心傷，但估唔到這位八十歲阿婆臨離開法庭之際，講左句足以全場爆笑的說話「好羞家!點見人!」
後續...我要去食大快活炒蛋早餐。(>"."<) CommentairesPour ajouter un commentaire, connectez-vous avec votre identifiant Windows Live ID (si vous utilisez Messenger ou Xbox LIVE, vous avez un identifiant Windows Live ID). Connectez-vous Vous n'avez pas d'identifiant Windows Live ID ? Inscrivez-vous RétroliensL'URL de rétrolien de ce billet est : http://ru3ru3.spaces.live.com/blog/cns!2AD7F319F61E22F!5380.trak Blogs Web qui font référence à ce billet
|
|
|
